Plantun de Prouvènço

Pèr coumpara dos planto d'encò nostre

Prenanthes purpurea & Plumbago europaea

Prenanthes purpurea

Asteraceae Compositae

Noms en français : Prénanthe pourpre, Prénanthès.

Descripcioun :
Proun grando planto (>1m), que fai de flour pourpalo (3 à 5 flour ligulado pèr capitule) e clinado sus de ramo menudo. Li fueio, sènso péu, embrasson la cambo. Vèn bèn à l'oumbro di fau e di mele dins li relarg un pau umide.

Usanço :
Proche dóu gènre Lactuca, li jouìni fuio se manjon en ensalado e peréu cuecho. Lou goust es agradiéu.

Port : Grando erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Prenanthes
Famiho : Asteraceae
Famiho classico : Compositae

Coulour de la flour : Roujo
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Basso mountagno
Estànci : Pancaro entresigna
Couroulougi : Pancaro entresigna
Ref. sc. : Prenanthes purpurea L., 1753

Erbo-di-rascas

Plumbago europaea

Plumbaginaceae

Àutri noum : Erbo-enrabiado, Bagoun, Erbo-de-la-rougno, Erbo-di-couquin, Malo-erbo.

Noms en français : Dentelaire, Malherbe.

Descripcioun :
L'erbo-di-racas, mens coumuno qu'à passa tèms, trachis en ribo de camin, i pèd de muraio e dins lis escoumbre ounte flouris amé de poulìdi flour vióuleto, à la fin de l'estiéu. Es uno planto eisado de recounèisse emé si flour e si fru pegous qu'arrapon li péu e li teissu.

Usanço :
Èi couneigudo au nostre pèr garris la rasco. Ramentèn qu'aquesto malautié de pèu e de péu s'aprèn à de champignoun coume Microsporum canis. Freta la bèsti emé d'òli de bagoun (adouba en fasèn bouli la planto dins l'òli). Se dis peréu qu'en mastegant la racino, apaisso li ràbi de dènt (erbo-enrabiado)-TdF. Pamens se n'en fau mesfissa que fretado sus la pèu pòu douna d'enflamacioun.